روايه صړاعات الحياه كامله
ندى بخجل: مش هنخرج خالص مثلا
زياد: لو اعرف مخرجكيش خالص وتفضلى طول الوقت معايا كنت عملت كدا
ندى: طب هقوم احضر الفطار
زياد وهو بيمسك ايدها: خليكى انا مش جعان
ندى: انا جعانة
زياد وهو بيمسك فيها بشدة: هنطلب اكل من برا خليكى بقى
لسه هيقرب منها فونه رن
ندى: زياد
زياد: اممم
ندى: فونك بيرن
زياد: يواه مين ابن الفصيلة دا
ندى: شوف مين
زياد: دا سيف
سيف: انت فين مجتش انهاردة ليه
زياد: انا مع ندى
سيف: ااه طب تمام انا بس كنت بطمن عليك
زياد: لا متخافش انا فل اوى
ندى بصتله بخجل وخدود حمرة
سيف: ربنا يهينك يسيدى
زياد: مال صوتك
سيف: مفيش يلا اسيبك انا
زياد: استنى يا سيف انت كويس
سيف: قولتلك انا تمام يا زياد يلا سلام
زياد: انت فى المديرية صح
سيف: اه
زياد: انا جيالك دلوقتي
سيف: خليك مع مراتك انا كويس
زياد: مش بمزاجك انا جاى يلا سلام
سيف: سلام
ندى: هتخرج
زياد: ااه
ندى: طب هروح انا الكلية بقى وهروح لمنار ماشى
زياد: هبقى أعدى عليكى اخدك من المستشفى تمام
ندى برقة: ماشى
زياد بتوهان وهو بيبلع ريقه: يبنتى بقى حرام عليكى
ندى: عملت ايه انا دلوقتي
زياد وهو بيقبل خدها: معملتيش حاجه يلا البسى عشان اوصلك
ندى بخجل: ماشى
فى المديرية
زياد: مالك فيه ايه
سيف: جيت برضوا
زياد: عايزنى اسمع صوتك حزين ومشوفش مالك يا سيف
سيف جرى عليه وحضنه بدموع
: تعبان اوى يا زياد حاسس انى ضايع ومش عارف اعمل ايه
زياد بحزن: ايه اللى حصل كلمت حياة
سيف طلع من حضنه واتكلم بحزن: يا ريت ما كنت اتكلمت معاها صعبت عليا الموضوع اكتر قالت مش هينفع عشان سارة
زياد: فاهمها ان سارة مش هتبقى مبسوطة كدا
سيف: قولتلها وبرضوا مفيش فايدة
زياد: يبقى تخلى سارة هى اللى تكلمها بنفسها
سيف بعصبية: انت بتقول ايه انا استحالة احط سارة فى وجع زى دا انا اصلا مش عارف اقولها ازاى
زياد بصله بأببتسامة اعجاب
: طب هتعمل ايه
سيف: هنسى
زياد: هتقدر
سيف: لا بس انا اكيد مش هغصبها على الجواز منى
زياد: طب اهدى وسيبها للنصيب كله هيتحل
سيف: يا رب بقولك سيبك منى مبروك يا عريس
زياد: مبروك ايه بقى انت خليت فيها مبروك فصلتنى يخربيتك
سيف: جت فى وقت مش مناسب شكلى
زياد: مكنتش ناوي اجاى انهاردة اصلا
سيف: طب احنا فيها امشى دلوقتي
زياد: هو سيادة اللوا هيسبنى امشى بعد ما جيت يلا انا على مكتبى لو احتاجت حاجه قول يا زياد بس
سيف: زياد
زياد بضحك: ايه لحقت تحتاج
سيف بضحك وهو بيحضنه: شكرًا يا اخويا
زياد وهو بي.ضربه فى كتفه: بطل هبل يااض
فى المستشفى
صفاء: منار يحبيبتى انا رايحة مشوار كدا وراجعة على طول
منار: متتأخريش يماما
صفاء: حاضر يروح ماما
مسكت الكتاب وفضلت تذاكر
منار بغضب: مش فاهمة حاجه خالص
منار: ادخل
يوسف: مالك فيه ايه
منار بطفولة: مش فاهمة حاجه من اللى هنا
يوسف: اهدى وقوليلى عايزه تفهمى ايه
منار: مش عايزة اعطل حضرتك
يوسف: ولا عطلة ولا حاجه
بدأ يشرحلها منار كانت مركزة فيه وفى ملامحه ويوسف لاحظ
يوسف: احم فهمتى
منار بتوهان: ااه
يوسف: طب انا كنت بقول ايه
