روايه صړاعات الحياه كامله
زياد: هو دا اللى ماشى لو جايب طفل مش هيعمل كدا يلا كدا تمام
شالها وحاطها على كرسى من كراسى تربيزة السفرة
زياد: يلا ناكل بقى عندى شغل
ندى: طب ما تعقد معايا
زياد: اه عشان سيف وسيادة اللوا يجوا يقبضوا عليا
ندى برقة: تمام
زياد مسك أيدها بحنية: متزعليش هحاول متأخرش
ندى بطفولة: اشطا
كان سايق عربيته ومش عارف يبطل تفكير فيها وصورتها مش عايزة تروح من دماغه خبط بشدة على دريكسيون عربيته واتكلم بعصبية مفرطة
: يواه بقى مش عايزة تروح من دماغى ليه دى معقول اكون لا لا لا اكيد لا سارة وبس هى اللى جوايا انا محبتش ولا هحب غيرها
نهى: حياة مش واخدة بالك من حاجة غريبة
حياة: حاجة زى ايه
نهى: سيف بيه
حياة وقتها قلبها نبض بشدة اول اما سمعت اسمه: ماله
نهى: مهتم بيكى زيادة عن اللزوم يعنى بيت وفلوس عملية مامتك وكان خايف عليكى اوى وقت اما اغمى عليكى فى المستشفى
حياة: بجد
نهى: حياة انتى بتحبيه
حياة بتوتر:ها لا طبعا
نهى: عليا برضوا يعنى مثلا انا مبشوفكيش وانتى طول الوقت متابعة اخباره على السوشيال ميديا ومشوفتيش وشك دلوقتي اول اما جبت سيرته
حياة: مينفعش يا نهى مينفعش اول حاجه انا فين وهو فين تانى حاجة والأهم أنه خاطب هو بس مجرد اعجاب مش اكتر
نهى: بس نظراته ليكى كانت مختلفة انا شفتها صدقينى
حياة بألم: اكيد فاهمة غلط انا سمعت انه بيحب خطبته جدا انهى الموضوع بقى انا فيا اللى مكفاينى
نهى: مش قصدي اوجعك والله
حياة: ولا يهمك
نهى: انا همشى انا بقى عشان الشغل ماشى
حياة: تمام بس ابقى تعالى
نهى: حاضر
حياة: فى رعاية الله
فى القسم
زياد: سيف انت ايه اللى خرجك من المستشفى
سيف: مفيش داعى انا كويس دلوقتي
زياد: طب بقولك هات بطاقتك عايزاها
سيف جيه يدور على محافظته ملقهاش
سيف: المحفظة مش لاقيها
زياد: نسيتها فى المستشفى
سيف: لا انا هروح اجيبها وجاى
زياد: تمام
حياة: حاضر جاية أهو
فتحت الباب لتتفاجئ بسيف
حياة: كابتن سيف فيه حاجه
سيف: نسيت المحفظة بتاعتى هنا ممكن تجبيها
حياة: حاضر لحظة واحدة
سيف: براحتك
كان واقف ودخل بسرعة اما سمع صوت صراخها
سيف: فيه ايه انتى كويسة
حياة بخوف شديد: فيه فيه برص على الحيطة انا بخاف منهم اوى انا مش هعقد فى البيت دا لحظة واحدة
سيف: اهدى اهدى وانا هم"وته
حياة: بالله عليك
سيف وقتها ضحك عليها
قرب على الحيطة اللى جانبها لتختبئ حياة خلف سيف لينظر لها وبيفضلوا يبصوا لبعض لحد اما بتدخل سارة وبتتكلم بعصبية وغضب مفرط
: الله الله
سيف وحياة بصوا عليها
