سكربت بقلم زينب سمير

ممكن 
أبتسمت ومسكت الجاكت بايديها مشيت جنبه وهي حاسة انها مبسوطة باللحظة مش عايزة تمشي بس خاېفة تقعد اكتر من كدا تتضعف.. 
الله بجد الطبيعة في لبنان ساحرة الجبال والزرع.. 
لبنان بتسحر ياعايدة متل عيونك هيك ضلك مبسوطة بيضل لبنان مبسوط
اية الافورة في الاداء دا مين عايدة علشان لبنان كلها تنبسط لما تكون هي مبسوطة

عايدة بهمس بيجامل.. بيجامل ياللي مبتفهمش 
قرب منها سمعتك علي فكرى
احمم.. هتبدأوا تصوير امتى
دلوقتي حالا
بدأوا يصوروا شوية واخدوا راحة
قربت عايدة وفي ايدها مية لآدم اخذ منها الازازة شكرا بجد الموضوع طلع صعب جدا مالها الالبومات
بس حلو اوي
بجد!
انت مش مصدق
مصدق بس مبسوط اني سامع مدح منك انت
ابتسمت ليه خلصت باقي ايام التصوير واخيرا هما في طيارتهم راجعين لأن الرحلة كانت استثناىية ومفاجئة واديتي اللي عليك بأكمل وجه في مكافأة ليكي هتستلميها بكرة
بجد دي مكافأة نهاية الخدمة بقى
نهاية خدمة اية
مستر عصام بقى كويس وكلموني وقالولي اني مش هبقى مساعدتك من بكرة وهكمل في شغلي القديم بس
اتعصب ازاي ياخدوا قرار زي دا من غير رأيي واذني
بس دا كدا كدا اللي كان هيحصل انا كنت مساعدة مؤقتة
يعني انتي مش مضايقة
هزت كتفها و كنت مأقلمة نفسي علي كدا اتعودت اعرف فين حدودي اعرف نهايتي مستناش اكتر من الحاجة اللي مكتوبالي
اتكلم بعصبية على فكرة انتي مش مبسوطة ومش راضية زي ما انا قولت انتي سلبية عايزة تفضلي صغيرة ماشية جنب الحيط لانك خاېفة انتي عارفة انتي كنتي فين ومع مين مع آدم عياد اكبر مغني في مصر اسمك جنبه يفتحلك الف باب وعمرك ما حاولتي تستغلي دا في لبنان قابلتي الف شخص مشهور معظمهم حبوكي محاولتيش تعملي علاقة صداقة حتى انتي متنفعيش في العالم دا كله بيبوس الايادي علشان يقابل حد علشان ياخد رقم تليفونه وانتي.. انتي غبية
قالها ولف راسه الناحية التانية ونام..
ريم ما هو معاه حق معاه حق انتي حتى مستغلتيش قربه منك في انك تحققي امنية مستحيلة ليك
كفاية ياريم مش انتي كمان عليا
خلاص سكت المهم هتعملي اية بقالك اسبوعين مبتروحيش شغلك
نازلة من بكرة في حفلة بسيطة بمناسبة نجاح الكليب هروح احضرها وابدأ شغلي
في الحفلة الكل ملموم حوالين ادم قدامه تورتة عليها بوستر الكليب الرسمي ورقم 10 مليون بمناسبة ان الكليب وصل عدد المشاهدات دي في أقل من اسبوع والكل بيحتفل معاه باين انه متعصب ومڠصوب يبتسم لكن في ضيق مرسوم في عينيه..
رفع راسه بسرعة لما سمع الكل بيهلل بأسم عايدة وابتسم اول ما لمحها جرى عليها لدرجة ان الكل استغرب والدنيا سكتت فجأة انا اسف مكنش قصدي اقولك اي كلمة من الهبل دا انا اصلا قولت كدا من غيظي انك رضيتي فجأة بالامر الواقع محاولتيش تعترضي وتقولي انك حابة الشغل معايا محاولتيش تقولي اني مرتاح معاكي اكتر من عصام مقولتليش حتى لما سألتك انك هتمشي بس زعلانة انك هتسيبيني حسستني اني ولا حاجة بالنسبالك في الوقت اللي انا كنت مبسوط بكل دقيقة بقضيها معاك ومش عايزها تمر..
انا قولت كدا من غلبي من اني كل مرة بطلب حاجة وبتمناها ومبتحصلش حتى قربي منك الحاجة اللي حلمت بيها من ساعة ما جيت هنا واشتغلت وحبيتك لما اتحقق كان بشروط وحاجة مؤقتة انا كل مرة كنت بحازف برجع مهزومة وكتفي مايل خۏفت المرة دي كمان ارجع كتفي مايل وانا
قولتلك اللي مكسور من كل حاجة بيبقاله كسر الحب ومبيقومش
انا مكنتش هسمح انك تنهزمي المرة دي عايدة انا حبيتك من ساعة ما حسيت انك بتشتغلي معايا وبتساعديني بمشاعر غير ناس قبلك بتتوتري زيي اول ما انزل اغنية جديدة وتستني نجاحها معايا بتفرحي معايا بجد لما انجح بتزعلي معايا لما محققش حاحة بالنجاح المطلوب حبيتك لما حسيت بصدقك معايا حبيت من ساعة ما مبيقيتش اخاڤ وبعيش اللحظة بلحظتها مش خاېف من بكرة من ساعة ما قررت بعد كلامك عن بكرة ان انتي اول واحدة أبني معاها ذكريات علشان تبقالي.. 
ركع قدامها و عايدة...
هزت راسها موافقة موافقة..
زينب سمير