قصة الحفرة العجيبة

لما تكون عايز تشتري بيت جديد أسأل عليه الاول و عن اللي كان عايش فيه قبل كده , كنت بدور علي بيت جديد أعيش فيه لحد ما شوفت اعلان بيع بيت علي النت بسعر كويس جدا , كلمت صاحب الاعلان و رحتله , البيت كان كويس جدا و سعره مناسب جدا , خلال يومين كنت مشتري البيت , البيت كان في جنينة جميلة , جبت بيت للكلاب و حطيت فيه الكلب بتاعي بيبو , دخلت جوا البيت وانا بستمتع و ببص في كل شبر فيه لان البيت جيد جدا من جوا , فجأة لقيت الباب بيخبط , اندهشت ! , من أولها كده , انا لسه معرفش حد هنا عشان يجيني , فتحت الباب لقيت اتنين من الشرطة واقفين , اتكلم واحد منهم وقال " حضرتك الساكن الجديد للبيت ؟ " , رديت بتوتر " أيوه .. انا الساكن الجديد " , 

الشرطي : طيب انت كويس ؟ و لا في حاجة حصلت معاك ! . 
حسيت بتوتر اكبر و استغربت جدا من السؤال
ساكن البيت : لا انا بخير و مفيش اي حاجة حضرتك , بس ليه بتسأل !!؟
الشرطي : في ناس قبلك سكنوا البيت اللي انت فيه دا و بعدها بأيام سكونهم فيه أختفوا و محدش عرف عنهم حاجة , فلو حسيت بأي حاجة مش مطمنة تكلمنا فورا , تمام ؟
ساكن البيت : تمام حضرتك .
بتوع الشرطة مشيوا و انا قفلت الباب و دخلت و انا مستغرب الكلام اللي سمعته , وبفكر الناس اللي كانوا ساكنين قبلي اازاي اختفوا ! , لكن نسيت الامر و رتبت حاجات في البيت و في مرة كنت قاعد بسمع التليفزيون و مستمتع بالفيلم اللي كان شغال , لكن فجأة سمعت صوت الكلب بتاعي اللي في الجنينة بينبح بأقصي قوة , حسيت بتوتر و قومت من مكاني و بفتح الباب و بخرج للجنينة بسرعة و جريت علي البيت بتاع الكلب , لكن لما وصلت عندوا ملقتش الكلب بتاعي , لكن لقيت الحبل اللي كان مربوط بيه مقطوع و مرمي في الارض و جمب الحبل في حفرة اول مرة اشوفها ! , بصيت في الحفرة لقيتها حفرة عميقة جدا مكنتش شايف اخرها عمقها , لكن كنت شايف غبار تراب كتير فيها , كنت واقف و ببص للحفرة بحيره و مش عارف الكلب بتاعي راح فين و لا الحفرة دي اتعملت ازاي , رجعت دخلت البيت و انا بحاول افهم الكلب فين , لكن فجأة و انا جوا البيت سمعت صوت الكل بتاعي جاي من الجنينة , قومت من مكاني و انا بجري ناحية باب الجنينة بسرعة و فتحته , لكن ملقتش حاجة , قربت تاني من الحفره , حسيت ان صوت الكلب كان جاي منها , في اليوم التاني نبيل صحبي بعت ليا رسالة بيقول فيها انوا جايلي و انوا واقف في