اسكربت بقلم ايمان صلاح

هروح لوحدي 
_ايمان بلاش كلام كتير خلصي يلا يا اما وربي هقول ل عمي 
مستفز اصلا خلصت ورق الجامعه وفضلت واقفه مع اصحابي وقت طويل عشان يمشي طلعت ملقتهوش ابتسمت بفرحه واتصلت عليه 
_علي فكره انا خلصت وانت مشيت عشان و 
_انا وراكي
بصيت لقيته جاي من ورايا وانا واقفه مصدومه !
_اي ده انت هنا 
ابتسم بسماجه_كل ده تأخير يلا نمشي 
_انت ممشيتش لي 
_قولت استناكي بس جبت عصير لحد ما تخلصي تشربي عصير 
بصتله بغيظ و مشيت وهو مشي ورايا وبيضحك وصلنا البيت ودخلت اوضتي ورزعت الباب في وشه!
_انتي واقفه لوحدك في البلكونه لي 

اټخضيت لما سمعت صوته وبصتله وزعقت
_مش تكح ولا تعمل اي منظر 
_ما انا اتكلمت هو انا جيت و مسكت أيدك من غير ما اتكلم 
_فيه حد يشوف بنوته رقيقه زي و يقولها بتعملي اي مره واحده كده 
بص حواليه وبعدها بصلي 
_هي فين البنوته الرقيقه دي !
ايمان_صالح
رفعت حاجبي _انا اي مش شايف ولا اي 
_الحقيقه مش شايف 
_سلامه النظر ابقي ركب نضاره عشان تشوف 
_انا مش عارف هخلص من لسانك ده امتي 
_وانا مش عارفه هخلص من غتتك دي امتي 
_لا انا معاكي لاخر العمر 
_انت بتقول اي !
_وانتي اي الموقفك في البلكونه لوحدك 
_بشم هوا 
_طيب ينفع اشم معاكي 
_لا مينفعش 
_متبقيش رخمه ادخلي شويه 
_ما المكان واسع اهو !
_بس انا بحب أقف في اليمين 
_هو احنا في ديسك في الفصل في اي يا اياد 
ابتسم بسماجه_راحه نفسيه معلش ادخلي 
_لا مش داخله 
_انا عرفك رخمه 
ذقني بعيد ووقف وهو بيبتسم ابن المستفزه!
_قوليلي بقي اي رايك في النجوم 
_وانا اقولك لي 
_انا غلطان اصلا اني عبرتك واتكلمت معاكي بت مش وش نعمه ! 
سابني و خرج اي الواد العبيط ده !
_ايمان في عريس متقدملك 
بصتلها و ضحكت _عريس مين ده يا ماما 
_ده ادهم جارنا انتي عارفاها ماشاء الله محاسب و محترم و مفيش زيه و الشارع كله عارفه 
_المفروض اعمل اي يا ماما 
_توافقي طبعا يا حبيبتي
_بسرعه كده مش لما أقابله الاول 
_يعني انتي موافقه 
_اه لما اشوفوا الاول 
_ماشي لما اقول ل باباكي الاول 
جريت بفرحه ماما مستنيا اوافق عشان تجوزني من زمان ومصدقت تخلص مني !
_انتي موافقه تقابلي العريس اللي جاي يا ايمان 
كان باصص بتضيق وبصتله باستغراب
_اها موافقه هو شاب كويس و محترم و جارنا مفيش منه يعني 
_بس عشان كده يعني كنتي بتحبيه 
_انت مالك أحبه ولا لا ده شئ يخصني 
_تمام انا اسف بعد اذنك 
سابني و خرج وانا بصيت بذهول ده من أمتي بيزعل او بيزعل لي يعني 
ادهم جه وانا دخلت و اياد كان قاعد معانا بابا شدو 
_يلا يا اياد نخرج و نسيبهم شويه 
_ونسيبهم لي ما نقعد معاهم هما يقعدوا لوحدهم
_يبني يلا احنا هنقعد قريب منهم 
_وهنسيبهم لوحدهم !
_وفيها اي ما هما لازم يقعدوا لوحدهم 
ايمان_صالح
بصلي بضيق و بعدها بصله و اتكلم 
_انت تقعد هنا ومتتحركش وانتي كمان 
_افندم 
_انا خارج وهنقعد قصدكم حذاري تقرب منها و 
_انت بتقول اي 
_معلش يا ادهم أصلهم متربين مع بعض و بېخاف عليها زي أخته 
_اها مفهوم مفهوم 
_راي في اي مش فاهمه 
_قصدي شكلي 
_لا والله انا مببصش لشكل انا ببص لشخصيه و انا لسه متعرفتش عليك 
_تمام 
_انت شايف الجواز ازاي 
_عادي جواز بين اي اتنين و عيال و نربيهم و خلاص سنه الحياه 
_سنه الحياه و بس
_اظن مفيش اكتر من كده 
_اهممم ماشي 
اتكلمنا كتير بس انا مش مقتنعه بيه اوي فيه حاجه كلامه مش داخل دماغي بس بعد زن من بابا وافقت أننا نعمل الخطوبه وبعد الخطوبه اكيد هيجي الحب و هرتاح كمان